O Diyos ko at ang Iyong dakilang pangalan
Pinupuri ka ng iyong lingkod sa iyong kagalingan
Pagpalain mo ako O Diyos sa aking pagdalangin
Gawin mong ligtas sa gabi at araw
Gabayan mo ako saanman ako naroroon
Ituro mo sa akin ang tamang landas
O Dakilang Panginoon, sa Iyo ako'y sumasampalataya
At nagpapasalamat ako sa mga biyayang aking natatanggap
Marami pong salamat sa lahat
Marami man akong pagkukulang
Lagi ka pong nandiyan upang magpatawad
Inilalayo mo po ako sa mga taong tampalasan
Salamat po sa patuloy na pag iingat
Itinutulot mo pong laging malayo sa karamdaman
Ipinaaalala mo rin na lumayo sa kasamaan
Salamat po at di mo ako pinababayaan
---
Aking mga magulang, salamat sa lahat
Marami man akong nagagawang mali sa inyo
Sana'y itinuturing niyo pa rin akong mabuting anak
Ginagawa ko naman ang lahat upang masuklian, inyong kabutihan
Mahal ko po kayo't di niyo 'ko pinabayaan
Sa halip, ako'y inyong minahal at inalagaan
Sinusuportahan sa mga talento
Sinisugurong malayo sa ano mang pahamak
---
Aking mga kaibigan, salamat at lagi kayong nandiyan
Alam kong handa kayong suportahan ako
Kahit minsa'y mabigat na para sa inyo
Nandyan lang kayo't handang tumulong
Kaya nga pinatatawa ko na lang kayo
Para naman, kahit maliit na kaparaanan,
Nasuklian ko, inyong mga kabutihan
Ang ating pagdadamayan, sana ay di kumupas
---
Giliw, Sa aking lungkot at pag-iisa
Bigla na lamang kumawala't napuksa
Ang lumbay na s'yang sa akin ay bumalot
At aking natamo, pag-ibig mong dulot.
Sa t'wing akin kang kasama'y sumasaya,
Lahat ng naisin, aking nakukuha
At sa bawat oras na ika'y kapiling,
Ako'y tila nasa langit, O' ang galing!
---
Minsan sa buhay, maraming kalungkutan
Dumadatal pa, tigib ng kahirapan
Naluluha at di alam ang gagawin
Naguguluhan sa dami ng isipin
Ngunit huwag mawawalan ng pag asa
Laging isipin, ang Diyos umaalala
Nandiyan din, mga pamilya't kaibigan
Nasa tabi at handa kang suportahan
No comments:
Post a Comment